Wednesday, August 16, 2006

I ve been taged

في البدء...وجب الاعتذار للجميلة حلم
تأخرك كثيرا في هذا التاج ... اعذريني فللحظة حسابات اخري
-1-
مساء ممل تماما... أحد الاصدقاء نجح في ابقائي مستند الظهر علي عامود إنارة أمام محطة الاتوبيس... لست ممن يجيدون الانتظار... تأخر نصف ساعة كاملة كانت كفيلة بأن تحيلني سفاحا في انتظار الصديق الضحية...حسنا قد جاء في النهاية
يعرفنا عامل المقهي جيدا... و يعرفنا معا...نادرا ما رأي أحدا منا بمفرده...
القهوة و الشيشة... لم نطلبهما ... و لكن هكذا اعتاد العامل منا... أو هكذا اعتدنا منه... لا يهم
قصيدتي الجديدة وجدت لها مساحة جيدة من استحسان صديقي.... ربما هي المجاملة
لغاية امتي هافضل أنا المستمع الوحيد ليك؟؟
هكذا سألني.... لم أهتم كثيرا بالاجابة... فقد اعتدت علي هذا السؤال كلما جئته بقصيدة جديدة
طب أنا عندي ليك حوار هايعجبك أوي... ما تنشر الشعر بتاعك في مدونة؟؟؟؟
و بدأ يشرح الفكرة ... و بدأت اتخذ وضعية الجاهزية للبدء
-2-
المقهي مرة اخري.... لا داعي لذكر العامل و الطلبات... كل شئ يسير بروتينية شيقة
سميتها مشربية... اية رأيك؟
اعرف علمت الاستحسان علي وجه صديقي.... استمر في شرب الشيشة... و هكذا فعلت
-3-
و هكذا بدات الحكاية... و عرفت هذا العالم اللامحدود من التنوع و الافتراضية
-4-
مرة اخري وجب الاعتذار علي الاطالة
جائني تاج من حلم
ارادتني الاجابة علي الاسئلة
و اه.. من سؤالك و الاجابة
-هل أنت راض عن مدونتك شكلا و موضوعا؟-
موضوعا... نعم... فهي مساحتي الكونية للوجود
شكلا... لا
-هل تعلم اسرتك بأمر المدونة؟-
لا.. فليسوا من هواة التكنولوجيا فأمي تنحصر علاقتها بالتكنولوجيا في حدود بوتاجاز الاشعال الذاتي
-هل تجد حرجا في اخبار صديق بأمر المدونة؟-
اطلاقا.....
هل تسببت المدونة في تغير ايجابي بتفكيرك؟-
نعم....
ـــ هل تكتفى بفتح صفحات من يعقبون بردود فى مدونتك أم تسعى لاكتشاف المزيد؟
اسعي لاكتشاف المزيد
ـ ماذا يعنى لك عداد الزوار.. هل تهتم بوضعه فى مدونتك؟
الزوار يعنون لي الكثير...فهم الصدي المطلق للرسالة
ـــ هل حاولت تخيل شكل اصدقائك المدونين؟
لم أحاول...فمن منا يمكنه ان يتخل روحا... و هل تملك الروح شكلا؟
اعترف هل ترى فائدة حقيقية للتدوين؟ـ-
نعم... التدوين يفتح افقا متسعا للحرية و ممارسة الرأي
ــ هل تشعر أن مجتمع المدونين مجتمع منفصل عن العالم المحيط بك أم متفاعل مع احداثه؟
..العالم التدويني متفاعل تماما مع الواقع... و نلاحظ جميعا ان الحركة التدوينية... هي ايقاع لما نقابله في يومنا من أحداث
ـــ هل يزعجك وجود نقد بمدونتك ؟ أم تشعر انه ظاهرة صحية؟
انا شخصيا مش بأنزعج بالنقد..
ـــ هل تخاف من بعض المدونات السياسية وتتحاشاها؟
أنا عامل مدونة جديدة تحمل طابع سياسي ساخر
هل صدمك اعتقال بعض المدونين؟ـــ-
اطلاقا... أنا عارف إن النظام مش بيرحم...و ما بيعرفش يقرا الواقع أو يفهم... اعتقال المدونين اعتقد إنه كان ضربة وقائية أراد بيها النظام إن يقلل من ظاهرة التدوين كما و كيفا.... بس أنا شايف ان العكس هو اللي حصل
هل فكرت فى مصير مدونتك حال وفاتك؟ـ-
لأ....
ــ آخر سؤال : تحب تسمع أغنية إيه- بلاش صيغة آمال فهمى دى - ما الاغنية التى تحب وضع اللينك الخاص بها فى مدونتك؟
بحب أغاني فيروز و مارسيل خليفة و أميمة الخليل
و جوليا بطرس و منير و السيد درويش
بامرر التاج ده لـ
غادة الكاميليا
محمد مفيد
ساسو
سمسمة
نوران
ندا
جيرالدين

10 comments:

ادم المصري said...

جميل قوي
لبست التاج ياعم
مبروك
ابقي ادعيلي بقي

علي فكرة تقريبا انا عملت المدونة بتاعتي لنفس السبب .. بس كنت بهرب من الشعر فيها

كنت خايف لاتبقي مدونة شعرية

بس انت عرفت توازن
احيك

ادمو المصري اول دكتور احه

حــلم said...

اولا مافيش معنى للاعتذار
واجاباتك تغفرلك
رغم انك عملتها نظام صح وغلط
نعم ولا
بس كنت واضح جدا مع نفسك
ومعانا
فيه نقطة صغيرة
ليه
اذكرينى قبل ان انسى يديا

مش كان الاقتراح
المشربية

المنمنمات بتاعتى لينكها على جنب
حبيت افصل الشعر عن تدويناتى
دة لو كان اسمه شعر

تحياااات افندم

Mamdouh Dorrah said...

حلم

ميرسي علي ذوقك
المشربية ده اسم البلوج
اما اذكريني قبل ان انسي يديا هو العنوان للحالة اللي المدونة هتكون عليها
شكرا يا حلم

ادم المصري
هي جت ع التاج؟؟؟ ما احنا طول عمرنا بنلبس
هههههههههههههههههه

بعدك على بالى said...

واضح انك متميز فى كل الوان الكتابات وده ظهر فى مقدمة التاج .. جميل يازعيم البوست.. دمت للكتابة وللتدوين
تحياتى

nada said...

شكرا يا كورتيكس انك افتكرتني و مررتلي التاج
بس معلش حاستنى شويه على ما ارد عليه
و تحياتي

ayman_elgendy said...

ممتد الروعة....متسع البهاء

:))

مودتي

غادة الكاميليا said...

حلوة الاجابات التلقائيه دي وميرسي على التاج وحاضر هلبسه

كنوز said...

hei
i wanted just to say hi and thanks for a very good blog u made
i liked it so much

مـحـمـد مـفـيـد said...

احييك علي اسلوبك الرائع

Epitaph said...

Cortex basha is *tagged* yuhooooo))
:D

يا لذيذ يا رايق يعني الصراحة
:))
عارف عشان احس بالهدوء و التنظيم
والدنيا مرتبة كدة و هااااااااادية
اقرا لسعادتك

:)
و متقوليش مرسي ع الكومبليمو
:)))) عشان دي مش كومبليمو
IT'S a Fact)