Monday, August 28, 2006

الجزء الاول - قبل الكشف الطبي بيوم

اعتذر تماما عن تأخري في سرد أحداث هذه اللحظات المحورية تماما في حياتي.... كنت احاول جاهدا أن اتخلص من مفعول الاتروبين أو ما يمكن أن نسميه ضريبة العمي المؤقت التي يجب أنا يدفعها كل من يحاول أن يخضع لفحص رمد في الكشف الطبي العسكري
الاربعاء 23-8-2006
-1-
رحلتي التطوعية الاولي الي القاهرة ... لست ممن يعشقون القاهرة ... و كثير من أصدقائي القاهريين يعرفون عني ذلك و يتقبلونه .... لا اذهب إلي القاهرة إلا مجبرا ... و لكنني ذاهب إليها اليوم ملئ الارادة
ودعت البحر للحظات قبل أن استقل السيارة .... لحظات و اعود .... هكذا أعتقدت ... أو هكذا منيت نفسي بالاعتقاد ... لم اكان اعلم هل سيحملني الخميس إلي البحر مرة أخري... أم إلي الكابوس الذي أكرهه و يكرهني بنفس الندية....
-2-
حسنا ها هي القاهرة .... هذا الموزاييك المزعج.... طبق الكشري المطبوخ بلا عناية... اللامنسق تماما... ميدان لبنان هو المحطة الاولي
الرابعة عصرا.... مازالت الارض تحترق تحت قدماي .... لم اعهد هذه الحرارة في أشد أيام الاسكندرية جحيمية .... ها هي فيروز تطل داخلي بأغنيتها شط اسكندرية يا شط الهوي .... البحر حاضر في المشهد هذه اللحظة... جميلتي سأعود إليك..سأعود
جولات سريعة في القاهرة لاشبع رغبتي في استكشاف المكان....ميدان التحرير هو محطتي القادمة...
-3-
لازمني أدم المصري منذ الان و حتي العودة.... أدم يحمل روحا جميلة... يضحك دائما... يتراقص فرحا عندما اتكلم معه و احكي عن جميلتي الاسكندرية... أدم يملك روحا ساخرة... تعجبه السخرية حتي إن كان هو محورها.... و لسوء حظه فأنا أملك روحا شريرة...كان أدم هو موضع سخريتي... و كنا نضحك....
-4-
الخامسه و النصف في ميدان التحرير.... حسنا يمكنني ان احتمل القاهرة في هذه اللحظة...أعطاني أدم حرية اختيار المكان الذي سنجلس فيه...حسنا فليكن هذا المقهي... فنجان من القهوة و شيشة كي استعيد طعم الاسكندرية
فيروز لا تتركني وحيدا.... حملت إليَ البحر مرة اخري... شط اسكندرية يا شط الهوي.... القلب لم يعتاد هذا الفراق الجميل... لكن شيئا ما يربطني هنا
-5-
كثيرة هي الوجوه هنا .... كنت ابحث عن وجه لم أراه من قبل و لم يراني ... عبثية ممتعة و انتظار لمن لن يجيئ .... كثيرة هي الوجوه ... و لكن أحد منها لا يحمل روحي و روحها....رباه
ثنائية مدهشة تسحرني الان في ميدان التحرير .... القاهرة الحارة التي ابغضها تنسحب ... و تتقدم نحوي قاهرة دافئةو مضيئة... لا أعرف من الذي أتي بمارسيل خليفة إلي داخلي الان... يا نسيم الريح قول للرشا ..... لم يزدني الورد إلا عطشا... لي حبيب حبه ملأ الحشا... إني يشا يمشي علي خدي مشي
حسنا سأبقي قليلا علني أجد وجهي التائه فيَ...

21 comments:

MrMr said...

اولا مبروك علي الاعفا
القاهره حلوه اوي يا ممدوح
ليها نفس طعم المطر و هي بتشتي في النوه وانت ماشي علي الكورنيش بالليل
بس انتوا مابتدوش نفسكوا فرصه تشوفوا القاهره اللي بجد بتتفرجوا عليها من بره
لما تنزل القاهره تاني لف في الزمالك و روح المتحف المصري صلي المغرب في عمر مكرم واطلع و هي الدنيا بتتلون بالازرق واتمشي لحد الرحماني في السيده زينب دوق احلي سوبيا ممكن الواحد يجربها
فاتك كمان انك تلف في الشوارع الجانبيه في وسط البلد و التمشيه اخر الليل في المعادي فاتك حاجات كتير اوي يا ممدوح ببساطه علشان انت جاي القاهره و انت كارهها و مش عايز تشوفها بجد
المهم
مستنيين باقي الحكايه

Mamdouh Dorrah said...

mrmr....
النهاردة انا رايح القاهرة... و هاعمل اللي قولتيلي عليه يا جميلة

moorgen said...

اهلا اهلا

بجد انا كنت داخله اسلم واعلق بس للاسف الكى بورد نحسيت ومش عاوزه تكتب تفتكر ليه؟
انا قولت مادام بقينا نعرف بعض عن بعد( عن طريق الوسيط) يعن بقى فى سابق معرفه
ومادام انت بتحب البحر يبقى لازم ازورك لانى بعشق البحر

ويا عم ممدوح انت اتعودت على اسكندريه واستنشقت نسيمها
عشان كدا مش عاجبتك القاهرة بس لو حاولت تكتشفها زى اسكندريه اكيد هاتحبها

محدش عارف يمكن تشتغل و تستقر فى القاهرة
فانت لو محستش بالمكان مش هاتقدر تحس بالسعادة فيه
وبرضه انا بقالى يومين معلقة معايا اغنيه مارسيل من كتر مسمعتها فى الشغل

عموما اكيد ان شاء الله للحديث بقيه

ومبروك ع الاعفا
:)

Lasto-adri *Blue* said...

انا كنت جاية اعلق بس على السرد الرشيق للقصة

رشيق بمعنى الكلمة
ورسم ابتسامة على وشى لانك مش لوحدك اللى بتكره القاهرة... مع انى من مواليد القاهرة ولم أتتعتع منها الى الآن الا انى بحس الاسكندرية هى امى الحقيقية

هنيالك ياعم
ومنتظرة الجزء التانى

محمد أبو زيد said...

أمانة يا بحر
تسقينا بالأمانة
أحبابنا يا بحر
في عيونك أمانة
أمانة يا موج
ةف خشب المراكب
أمانة يا موج
طبطب على اللي راكب


ما اجملك يا اسكندرية

محمد أبو زيد said...

أمانة يا بحر
تسقينا بالأمانة
أحبابنا يا بحر
في عيونك أمانة
أمانة يا موج
ةف خشب المراكب
أمانة يا موج
طبطب على اللي راكب


ما اجملك يا اسكندرية

محمد أبو زيد said...

أمانة يا بحر
تسقينا بالأمانة
أحبابنا يا بحر
في عيونك أمانة
أمانة يا موج
ةف خشب المراكب
أمانة يا موج
طبطب على اللي راكب


ما اجملك يا اسكندرية

saso said...

ماهو كل شئ باوان
هو قال كدة

Mamdouh Dorrah said...

sasooo
اكتر من اللي انا باحلم بيه

محمد ابو زيد
ما اجملك.... تعالي اسكندرية و مالكش دعوة انا هاعمل معاك الواجب

moorgen
انا مبسوط اوي انك جيتي هنا
انا يا جماعة مش بكره القاهرة... انتو عندكو هنا كل حاجة الا الهوا...بس كملي الحكاية و استني بقية الاجزاء و هتعرفي انا بقيت بحب القاهرة اد اية؟؟؟ يا شيخة ده انا بايت في التحرير النهاردة... هو في حب اكتر من كده

lasto-adri
كلنا بننتمي للجمال
و اسكندرية هي ام الجمال

sherif gharib said...

ممدوح
انت تعرف مدى عشقنا للمريه و جلساتنا على القهوه
انت طبعا عارف اسمها و لكن لكل بقعه على الارض سحرها و جمالهاو ان كنت اتفق معك على السحر الخاص لمعشوقتنا الاسكندريه
تحياتى

Mamdouh Dorrah said...

sherif gharib
لكل منا جميلته و اسكندريتنا هي جميلة الجميلات

Anonymous said...

مبروك يا ديحة نجيت يا كلب مع انى كنت حاجزللك فى كتيبة وشك على هضبة السلوم تطل على البحر من فوق وتبعد عن ليبيا 3 كيلو وكنت عاوزك تبقى راجل هضباوى اد الدنيا بس ما لكش حظ

رشيدى

Anonymous said...

كورتيكس
بالمنظر اللى انت قلته دة تبقا القاهرة حلوة ...لو سالتنى انا باحب اية فى القاهرة؟ اقولك القاهرة القديمة....السيدة زينب..والفسطاط..والدراسة..الدرب الاحمر..اجمل شندويتش فول بالزيت الحاااار اكلته فى الدرب الاحمر من على عربية خشب واللة...واجمل ايام رمضان تقضيها فى الاماكن دى مش فى الاماكن الارستقراطية اللى بالى بالك...اجمل قاهرة هى ريحة قاهرة المماليك والعثمانيين...تحياتى الك وسلم لى على ادم المصرى..اللى دكتوراة فى !!!!!!

Mamdouh Dorrah said...

shahrazad
انا كمان بحب الاماكن دي في القاهرة..حتي اسـألي ادم..لما قالي تحب تروح فين؟؟ قلتله أي قهوة بلدي
بالنسبة لسندوتشات الفول اسألي رمسيس كلها ع اللي انا كنت عامله فيها

صاحبي الرشيدي
تعرف انا اية كانت اكتر حاجة مخوفاني م الجيش؟؟ العقيد جبلاوي.....
ههههههههههههه

admelmasry said...
This comment has been removed by a blog administrator.
admelmasry said...

ياعم اي خدمه احنا بس نحب نخدم

غادة الكاميليا said...

وحشتني أوي اسكندريه
وحشني البحر

Simsima said...

كروتكس في القاهرة:)
نورت الدنيا يا جميل، طب قبل ما تزور القاهرة قول انت بس واحنا نحاول نخفف عنك غربتك، وبعدين يا عم القاهرة مش شريرة أوي كدا. .
ابقي ابعت لي يا قمر قبل ما تنزل أنا نفسي أشوفك فعلا،بالمناسبة ألف مبروك ع الاعفا.
simsima_222@hotmail.com

Anonymous said...

ألف مبروك على الإعفا يا عم وخلي بالك مصر مش وحشه قوي كده رغم اني اسكندراني اى انني بحبها بالليل خاصه في الحسين ...تحياتي لك ودعوه لك لزياره مدونه أفندينا

http://www.maktoobblog.com/msalaheldeen

Mamdouh Dorrah said...

افندينا
مساء الجمال علي شباب اسكندرية

simsima
يا جماعة و الله انتوا فهمتوني غلط.. انا كان موقفي من القاهرة حيادي...بس اليومين دول انا بحبها بجنون..بحبههههههههههها
انا جاي التلات انشاء الله

غادة الكاميليا
انتي فين من زمان يا جميلة... اسكندرية كمان مش قادرة تنساكي

اخويا الصغير ادم المصري
علي فكرة الفطير بالبسبوسة اللي كلناه مع بعض كان جامد و سلملي علي المتشرد اللي انت عارفه

admelmasry said...

هههههههههه